Te Wiki o te reo Māori

Kei ngā uri o te maire raunui o Rangitāne huri noa i ōna tūpuna, e ao ana kia mihia.

Tini whetū ki te rangi, ko ngā maramara o Te Āwhiorangi ki te whenua.

E te iwi whakawairua kia kotahi ai koutou me ngā whetū tārake i te rangi, waiho mā muri nei koutou e tangi e. Kei ngā hākui, ngā hākoro mōrehu i tipu mai rā i te mātotoru o te reo Māori me ngā tikanga Māori, nei rā ngā tai ō mihi te pari atu nei. Rātou te hunga wairua ki a rātou, tātou ngā kanohi ora, kei te mihi, kei te mihi, kei te mihi.

E te tai whakarunga, e te tai whakararo, ko Rangitāne Tū Mai Rā tēnei e whakamiha atu ana i runga anō i te kaupapa nui whakaharahara e kainamu mai ana, arā i runga i te karanga o tō tātou reo Māori.